Bushati pret homologun e tij nga Luksemburgu: Marrëveshje për shmangien e taksimit të dyfishtë, Asselborn: Problem, fluksi i azilkërkuesve
Ministri Bushati priti në një takim homologun e tij nga Luksemburgu, Jean Asselborn. Gjatë një konference për mediat, Bushati dhe Asselborn folën për shmangien e taksimit të dyfishtë mes Shqipërisë dhe Luksemburgut. Këtë e konfirmoi edhe ministri Asselborn, duke theksuar se Luksemburgu ka shpenzuar më shumë se 7.6 mln euro për të ofruar ndihmë teknike.
“Ne kemi shpenzuar me shume 7.6 mln euro për të ofruar ndihmë teknike. Vazhdojmë me bursat, mendojmë se ndihma është respektuar edhe nga vendi juaj. Gjatë muajit Mars ne nënshkruam marrëveshjen për mbrojtjen sociale, mund të bëhet e mundur dhe do të nënshkruhet marrëveshja e shmangies së taksimit të dyfishtë”.
Asselborn foli edhe për marrëdhëniet ekonomike mes vendeve, duke nënvizuar edhe krijimin e Dhomës së Tregtisë mes Luksemburgut dhe Shqipërisë.
“Marrëdhëniet ekonomike, mund të bëjmë më shume në të ardhmen. Është krijuar Dhoma e tregtisë mes Luksemburgut dhe Shqipërisë. Te gjithë e dinë që jeni një vend mikpritës, “jeni legjendar” për mikpritjen. Duhet të bëjmë më shume sa i takon kthimit të vendit në destinacion turistik”
Ministri i Jashtë i Luksemburgut nuk la jashtë vëmendjes edhe fluksin e azilkërkuesve, ku tha se mbetet ende problem.
“Fluksi i azilkërkuesve është problematik. Liberalizimi i vizave ka si qëllim që të rriten vizitat nga vendi juaj drejt BE dhe jo të promovohen kërkesat për azil. I dimë përpjekjet që keni bërë për të marrë qytetarët tuaj nga vendete e BE. Në qoftë se është e nevojshme për ndihmë, ne zbatojmë procedurat. Procedurat nuk mund të marrin vite të tera, duhet bërë menjëherë. Të miturit dërgohen në vendet e BE pa prindërit e tyre, nuk duhet ta lejojmë të ndodhë një procedurë e tillë”, u shpreh Asselborn.
Megjithatë nga ana e tij, Bushati garantoi edhe masat që do të ndërmerren për të penguar këtë fenomen.
“Do vazhdojmë te bëjmë një fushatë informuese qe të mos abuzohet me lirinë e lëvizjes dhe bashkëveprojmë me institucionet për frenimin e fenomenit. Ne jemi të vendosur ta luftojmë këtë fenomen”, u shpreh Bushati
Osman Dedja/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.