Buxheti 2019 – Qeveria e Kosovës miraton gati 300 milionë euro vetëm për infrastrukturën
298 milionë euro është buxheti për vitin 2019 që ka Ministria e Infrastrukturës dhe Transportit. Ky është buxheti më i madh që ka pasur ndonjëherë Kosova.
Sipas ministrit të Infrastrukturës dhe Transportit, Pal Lekaj, i gjithë ky buxhet do të shkojë për një mori projektesh madhore, ndërsa do ndikojë edhe në rritjen ekonomike të vendit.
“Autostrada e Dukagjinit, ajo e Gjilanit, segmenti Kijevë – Zahaq dhe një mori projektesh madhore infrastrukturore për Kosovën janë pjesë e buxhetit 2019 që mbrëmë mori miratimin e Kuvendit të Republikës së Kosovës. 298 milionë është buxheti i Ministrisë së Infrastrukturës dhe Transportit, me të cilin kemi paraparë projekte për secilën komunë të Kosovës. Me buxhetin më të madh dhe të planifikuar si duhet për nevojat e qytetarëve, që Kosova ka pas ndonjëherë, Qeveria Haradinaj po e shtyn përpara zhvillimin ekonomik të vendit”, shkruan Lekaj.
E.Z/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.