“Buxheti 2021, më i papërgjegjshmi”, Basha: Qeveria po vjedh shqiptarët, PD do t’u kthejë paratë
Kreu i Partisë Demokratike, Lulzim Basha e ka vlerësuar buxhetin e vitit 2021 si më të papërgjegjshmin në 30 vite. Në takimin e radhës me gazetarët, Basha hodhi akuza ndaj qeverisë se po vijon të vjedhë paratë e shqiptarëve.
“Buxheti më i papërgjegjshëm në këto 20 vite, gënjeshtra më e madhe në 30 vite pro edhe tablo më e qartë e Edi Ramës në një anë dhe të gjithë qytetarëve në anën tjetër. Shqiptarët përballë një njeriu, që edhe në muajt e tij të fundit të pushtetit vazhdon të zgjasë dorën e tij ën duart e shqiptarëve dhe vazhdon të vjedhë paratë e tyre për koncensione, PPP dhe afera të tmerrshëm korruptive si ajo e inceneratorëve.” – u shpreh kryetari i PD.
Basha premtoi se me ardhjen në pushtet të Partisë Demokratike të gjitha kontratat e dyshimta do të kalojnë në ligjin Antimafia dhe se paratë e vjedhura do t’u kthehen shqiptarëve.
“Bëj thirrje çdokujt që ka ndërmend të ndërtojë një marrëdhënie kontraktuale me shtetin, në katër muajt e fundit të qeverisë në ikje të jetë shumë i kujdesshëm sepse çdo kacidhe, çdo tender, çdo kontratë do t’i nënshtrohet ligjit të ri “Antimafia”. Do t’jua nxjerrim nga pasuritë kudo që i kanë fshehur xhepat, nga kontot bankare në Shqipëri dhe jashtë saj, do t’jua nxjerrim nga hunda çdo qindarkë që i kanë vjedhur shqiptarëve.” – bër thirrje më tej z.Basha.
Nertila Doko / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.