Buxheti i diplomacisë për vitin 2021, Ministri Cakaj: Ka pësuar një ulje me 130 milionë lekë
Në komisionin parlamentar për politikën e jashtme, ministri i Jashtëm në detyrë Gent Cakaj ka prezantuar projektbuxhetin për vitin 2021. Cakaj, duke folur para deputetëve, tha se buxheti do të ketë një ulje me 130 milion lekë, por kjo nuk do të cënojë aktivitetin e ministrisë së jashtme.
“Buxheti ka pësuar një shkurtesë të vogël n vlerë prej 130 milionë lekësh, pro se duhet pasur parasysh se shkurtesat kanë qenë të diktuara prej rrethana objektive dhe kurrsesi prej mungesës së vëmendjes në prioritetet e politikës së jashtme. Shqipëria është përballur me një situatë të jashtëzakonshme fillimisht për tërmetin e nëntorit dhe pastaj me pandeminë, e cila po vazhdon ende. Gjithsesi dua të theksoj që pavarësisht kësaj shkurtese jo shumë sipërfaqësore, përkushtimi ynë është maksimal për të adresuar të gjitha prioritetet, që unë tashmë shpalosa dhe po ashtu jam në gjendje të vazhdoj t’i shtjelloj më tej në bazë të interesit tuaj.” – u shpreh minsitri i jashtëm Cakaj.
Cakaj, interesit të deputetëve nëse vendi ka bërë përpara në agjendën e integrimit ju përgjigj duke thënë se Shqipëria I ka plotësuar kushtet, por varet nga situata brenda Bashkimit Europian.
Arbër Hitaj / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.