Buxheti për arsimin – Nikolla: Rritet me 10.52%. Do të ketë edhe rritje pagash
Rritja e buxhetit për arsimin gjatë vitit 2018 me 10.52% do të përkthehet edhe në rritje të pagave.
Kështu ka deklaruar ministria e Arsimit, Sportit dhe Rinisë Lindita Nikolla gjatë prezantimit të këtij buxheti në Komisionin Parlamentar për Edukimin dhe Mjetet e Informimit Publik.
Nikolla theksoi se Buxheti i vitit 2018 kap vlerën prej 38 miliard 374 milion lekë dhe shpenzimet korrente janë rritur krahasuar me një vit më parë me 5.6%. Më tej ministrja e Arsimit shtoi se 76% e buxhetit do të shkojë për arsimin parauniversitar. Nikolla u ndal edhe në investimin për 17 shkolla të reja me një buxhet prej 700 mln lekësh për 7 vite.
Nuk munguan edhe debatet përpara diskutimit për buxhetin mes deputetëve të mazhorancës dhe opozitës pas kërkesës së kryetares së komisionit Albana Vokshi për t’u distancuar nga situata e krijuar prej drogës. Vokshi u kërkoi deputetëve dhe ministres të dorëzojnë mandatet.
Nertila Doko/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.