Buxheti për “Diasporën”- Majko: 17 mln janë mjaftueshëm si fillim
Ministri i Shtetit për Diasporën është shprehur i kënaqur me buxhetin që i është vendosur për vitin 2018.
Sipas ministrit Pandeli Majko, buxheti prej 17 milionë lekë është i kënaqshëm për krijimin e dikasterit të ri, i cili do të ketë në fokus të tij punë për ofrimin e një sërë shërbimesh për të gjithë shqiptaret kudo që jetojnë, siç është mundësia e votës apo ruajtja e identiteteve kombëtare.
Ndërkohë që Ministri për Europën dhe Punët e Jashtme Ditmir Bushati është thirrur në një seancë dëgjimore për të raportuar në lidhje me zhvillimet dhe takimet e fundit në Greqi me ministrin e Jashtëm grek Nikos Kotzias.
Kjo kërkesë u bë nga deputetja e LSI, Klajda Gjosha në Komisionin për Politikë të Jashtë, dhe u mbështet edhe nga deputetja e PS, Mimi Kodheli.
Entela Barjamaj/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.