Buxheti për pushtetin vendor. Bashkitë kërkojnë ndryshim të skemës për mbledhjen e tatim-fitimit mbi të ardhurat personale
Përfaqësues të Shoqatës së Bashkive kanë bërë propozimet e tyre lidhur me buxhetin që i ofrohet nga Ministria e Financave për vitin e ardhshëm . Gjatë seancës dëgjimore, në komisionin parlamentar të ligjeve ata kanë kërkuar ndryshimin e skemës aktuale të mbledhjes së tatimit të fitimit mbi te ardhurat personale në mënyrë që të mblidhen në bashkitë ku krojohen gjë e cila është miratuar nga komisioni i ligjeve sipas relatorit Bashkim Fino ndërhyrjet në skemë do të nisin vitin e ardhshëm:
“Mënyra si është bërë ndarja në 2002 me gjithë se jemi me dy vjet vonesë është bërë vetëm në bazë të përqindjes së popullsisë që Bashkia ka që është një ndarje joproporcionale dhe të ardhurat pavarësisht, të ardhurat personale janë të ndryshme nga ata të një qyteti tjetër, nuk ndahet në bazë të numrit por në bazë të ardhurash.
Mendoj se vitin tjetër kjo gjë do rregullohet nga Ministria e Financave dhe besoj do të kemi një zgjidhje përfundimtare edhe për shumën që keni marrë në 2019 dhe për 2020/2021 po dhe për skemën që duhet të ndahet ashtu si mendoni dhe ju që është më e drejtë dhe ndershme.
Po ashtu përfaqësuesit e njësive vendore kërkuan fond shtesë për shërbimet e reja të deleguara , në rastin konkret atë të ofrimit të shërbimit psiko-social në arsimin parashkollor
Jemi duke kaluar një amendim të buxhetit ku do shtojmë praktikisht 24 punonjës të rinj social që do të ofrojnë këtë shërbim, por kjo do të ndodhi nga buxheti I Bashkisë, që të kemi mundësi të arrijmë ofrimin e shërbimit, pro nga ana tjetër ky është shërbim I ri dhe janë para që do ti alokojmë nga diku tjetër për ta plotësuar si shërbim.
Dhe ne këtë gjë e kemi kërkuar si komision dhe nënkomision i pushteti vendor, por mos të harrojmë nëj gjë se mundësitë e organeve të pushtetit vendor janë të jashtëzakonshme për të krijuar të ardhura.”
Komisioni vendosi miratimin e pasqyrave financiare për bashkitë duke e konsideruar të mjaftueshme rritjen e cila për vitin e ardhshëm përllogaritet 800 milion lekë më shumë se në vitin 2020.
Nertila Doko / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.