Bypass-i i Tepelenës – Balluku: Realizimi punimeve tashmë në masën 70% (FOTOT)
Sipas njoftimit në faqen zyrtare, ministrja e Infrastrukturës dhe Energjisë, Belinda Balluku ka inspektuar punimet në Bypass-in e Tepelenës, i cili po merr formë çdo ditë e më shumë, ka njoftuar ministria. Balluku konfirmon se realizimi i punimeve ka arritur në masën 70%, çka dëshmon ritëm të mirë pune.
Sipas saj kjo vepër do lehtësojë jo vetëm qarkullimin e automjeteve, duke lidhur dy segmente të rëndësishme, Levan-Tepelenë dhe Tepelenë-Kakavijë, por do të rrisë edhe sigurinë rrugore.
Gjithashtu në njoftim thuhet se me shëtitoren buzë lumit, do të kemi edhe një hapësirë më shumë për qytetarët e Tepelenës dhe një stacion turistik për gjithë udhëtarët në këtë aks.
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.