Carney paralajmëron Facebook: “Libra do të mbikëqyret në avancë, ndryshe nga rrjeti social”
Guvernatori i Bankës së Anglisë, Mark Carney, paralajmëroi Facebook se kriptovaluta e vetë Libra, nuk pritet të përfitojë nga mungesa e rregullimit, siç ka bërë kompania në mediat sociale. Gjiganti i rrjetit social në SHBA tërhoqi interes botëror më herët gjatë javës kur lajmëroi planet për të krijuar sistemin e vetë të pagesave, që përfshin një monedhë të quajtur Libra.
“Banka e Anglisë është e hapur ndaj Libra. Por, ndryshe nga media sociale, ku standardet dhe rregullimet janë aplikuar së fundmi, shumë kohë pasi kompanitë fituan miliarda përdorues, kushtet për inovacione si Libra, duhet të adaptohen në avancë,” tha Carney.
Komentet e guvernatorit, ishin pjesë e një fjalimi më të gjerë, që përfshinte një rishikim të së ardhmes së sistemit financiar të Britanisë, për të ulur kostot për konsumatorët dhe thjeshtësuar huamarrjen e bizneseve të vogla. Përdorimi i parasë cash’ po bie ndjeshëm në Britani, prej kartave të debitit dhe kreditit. Carney tha se nëse Libra i afrohet ambicieve të Facebook, do të kthehet në një sistem të pagesave me rëndësi sistemike, ku Banka e Anglisë dhe rregullatorët në të gjithë botën do të shfaqin interes.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.