CDC kundër heqjes së detyrimit për maskat – Walensky: Nuk është momenti. Rastet ditore janë ende të larta
Shefja e Qendrës për Kontrollin dhe Parandalimin e Sëmundjeve (CDC) Rochelle Walensky, tha se ndërkohë që rastet në të gjithë botën po rriten, nuk është momenti për të hequr detyrimin e vendosjes së maskave në shkolla dhe vende të tjera publike. Komentet e saj ndjekin lajmërimet nga zyrtarë në Neë Jersey, Delaëare dhe Kalifroni, se po planifikojnë të heqin detyrimin e vendosjes së maskave në ambiente të brendshme për shkollat publike dhe vende të tjera, ndërkohë që rastet me Omicron po tërhiqen.
Walensky tha se agjencia ka pranuar gjithnjë se i takon shteteve dhe autoriteteve lokale përtë vendosur për politikat e maskave, por udëhzimet janë të pandryshuar. Ajo pret që kriza shëndetësore të kthehet në endemi, kur infeksionet të jenë në një normë të qëndrueshme dhe nuk shkaktojnë ndërprerje për shoqerinë. Pavarësisht rënies së infeksioneve nga nivelet rekord të larta, Walensky theksoi se SHBA po vazhdon të regjistrojë rreth 290,000 raste çdo ditë, me një normë më të lartë të shtrimeve në spitale. Kapaciteti i spitaleve është një ndër barometrat më të rëndësishëm për të përcaktuar nëse Covid-19 duhet të konsiderohet një krizë shëndetësore publike e nivelit të pandemisë, sipas Agjencisë. Për momentin, spitalet në SHBA qëndrojnë të mbingarkuara.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.