Çelet panairi i punës, Rama: Mundësi reale, puna nuk vjen në kafe!
Dhjetëra biznese kanë ofruar vende të lira pune për të interesuarit në Panairi Kombëtar i Punës 2018, i vendosur për herë të parë në Sheshin Skënderbej.
Ndërsa dukej se interesi për të aplikuar ka qenë i lartë që në çelje të tij, Kryeministri Edi Rama vizitoi stendat, ku dhe u bëri apel qytetarëve të aplikojnë dhe ta shohin panairin si mundësi për integrimin në tregun e punës.
Kryeministri ritheksoi edhe njëherë rëndësinë e orientimit të të rinjve drejt arsimit profesional.
Biznese nga sektorë të ndryshëm si ai bankar, telekomunikacion, marketing online, etj, janë në pritje të aplikimeve të të interesuarve. Ndërsa më herët, kryeministri Edi Rama ndau shifrat e punësimit për muajin prill, ku sipas tij, zyrat e punës realizuan 2738 punësime.
Elisabeta Dosku/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.