Celulari, miku më i mirë gjatë udhëtimit – Ja cilat aplikacione do t’ua bëjnë më të bukura pushimet

Kur udhëtoni vetëm, celulari juaj mund të shndërrohet në mikun tuaj më të mirë, kujdestar, planifikues udhëtimi dhe litar shpëtimi. Kjo do të thotë që është mirë të keni aplikacionet e duhura për t’ju ndihmuar që të gjeni vendndodhjen dhe të qëndroni të sigurt. Më poshtë janë disa nga aplikacionet më të mira për udhëtarët e vetëm.

Vini re se një numër i këtyre aplikacioneve për udhëtime kërkojnë krijimin e një llogarie, konfigurimin e profilit, ndezjen e vendndodhjes. Lëreni kohë për t’u kujdesur për këtë para se të largoheni nga shtëpia.

Aplikacionet e përkthimit

Barrierat gjuhësore mund të duken edhe më të mëdha kur udhëtoni vetëm pasi nuk keni shokë për të mbushur boshllëqet në fjalorin tuaj. Google Translate (iOS | Android) është aplikacioni më popullor, por Microsoft Translator (iOS | Android) po fiton terren kohët e fundit.

Aplikimi për strehim

Shumë persona të cilët udhëtojnë vetëm kërkojnë mundësi strehimi dhe akomodimi. Aplikacionet si Airbnb (iOS | Android) dhe Couchsurfing (iOS | Android) u japin udhëtarëve mundësinë për të ndër vepruar dhe për të gjetur mundësi për tu strehuar. Nëse jeni më shumë të interesuar, merrni parasysh rezervimin e një qëndrimi me Hostelworld (iOS | Android).

Aplikacionet e rrjetit Social

Dëshironi të takoni udhëtarët e tjerë në rrugë? Apps të panumërta për njohjen e udhëtarëve kanë kaluar gjatë viteve të fundit. Për momentin, një nga aplikacionet më të mira të rrjeteve sociale për udhëtarët e vetmuar duket të jetë Meetup (iOS | Android), i disponueshëm në dhjetra vende.

Mund tw merrni edhe aplikacioni Tinder (iOS | Android). Është kryesisht një aplikacion takimesh, gjithnjë e më shumë njerëz po përdorin Tinder për shoqërim kur udhëtojnë, sidomos kur udhëtimin e marrin vetëm. Tinder gjithashtu kohët e fundit lançoi një tipar të ri që lidh grupet e miqve për aktivitete të ndryshme që mund të organizojnë.

Aplikacione për ture dhe aktivitete

Një aplikacion për t’ju ndihmuar të gjeni turne dhe aktivitete është aplikacioni Peek (iOS ose Peek.com), i cili kohët e fundit është rekomanduar nga Melinda Gates.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.