CEO i BioTech: “Përhapja e vaksinave COVID-19 të BE-së vuan nga mungesa dhe vonesa”

Prodhuesi gjerman i vaksinave BioNTech ka shprehur shqetësime lidhur me një mungesë në furnizimin e vaksinave COVID-19 në BE.

Uğur Şahin, CEO i BioNTech, tha se mungesat shkaktohen gjithashtu nga fakti që vaksinat Moderna dhe Oxford-Astrazeneca nuk janë aprovuar ende, duke krijuar kështu një zbrazëti në zinxhirin e furnizimit.

Chris Whitty, zyrtari kryesor mjekësor i MB, ka shprehur shqetësime të ngjashme, duke paralajmëruar se vonesa të tilla mund të shkaktojnë probleme “për disa muaj”, duke rrezikuar reagimin e Britanisë ndaj krizës së vazhdueshme shëndetësore.

Thirrjet e BE për të miratuar vaksinën Oxford-Astrazeneca sa më shpejt të jetë e mundur kanë ardhur gjithashtu nga Ministri i Shëndetësisë i Gjermanisë, Jens Spahn.

Më parë këtë javë, Agjencia Europiane e Barnave (EMA) tha se nuk kishte gjasa të autorizonte dozat brenda muajit të ardhshëm. Sidoqoftë, aprovimi i vaksinës mRNA-1273 COVID-19 i Moderna mund të vijë që në 6 Janar.

Ndërkohë, disa vende anëtare të BE janë duke u kritikuar për shpërndarje të ngadaltë të vaksinës Pfizer-BioNTech

Midis tyre është Franca ku vetëm 332 njerëz u vaksinuan në pesë ditët e para të fushatës së përhapjes së vaksinave.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.