CEO i Evergrande detyrohet të shesë 278 milionë aksione të tjera, pasi qeveria e Kinës nuk e shpëton dot gjigantin e pronave!
Kryetari dhe themeluesi i zhvilluesit kinez të ngarkuar me borxhe, Evergrande, është detyruar të shkurtojë aksionet e tij në kompani, sipas dosjeve në Bursën e Hong Kongut.
Shitja e 277.8 milionë aksioneve të shitura nga e hëna e kaluar deri të enjten ishte për shkak të shitjes së detyruar nga një palë e tretë të cilit miliarderi Hui Ka Yan i premtoi aksionet. Regjistrimet treguan se shitja ishte për të zbatuar një “interes sigurie” në aksione.
Dokumentet nuk zbuluan se kush ishte pala e tretë ose për sa u shitën aksionet, por sipas llogaritjeve të Bloomberg, ato do të kishin vlerë rreth 498 milionë HK (64 milionë dollarë amerikanë) bazuar në çmimin mesatar të aksioneve të Evergrande javën e kaluar.
Shitjet e detyruara ulën aksionet e Hui në Evergrande të Premten e kaluar nga 61.88% në 59.78%, sipas zbulimeve.
Ky veprim i fundit i shtohet listës së aseteve personale të Hui që janë shitur muajt e fundit dhe vjen pasi qeveria kineze ka sinjalizuar se nuk do të ketë asnjë paketë shpëtimi për Evergrande, me guvernatorin e bankës qendrore Yi Gang që u shpreh se paaftësia e Evergrande për të përmbushur detyrimet e saj është një ngjarje e tregut, raportoi Bloomberg.
Evergrande me seli në Shenzhen është zhvilluesi me borxhin me të lartë në botë, me 300 miliardë dollarë detyrime dhe është duke u shqyrtuar nga investitorët që kanë frikë se kolapsi i tij mund të dërgojë pjesën tjetër të sektorit – dhe ndoshta pjesën tjetër të botës – në krizë.
Në fund të nëntorit, Hui shiti 1.2 miliardë aksione – investimi i tij i parë që kur Evergrande u bë publik në 2009, sipas Bloomberg.
Ai tani ka një pasuri prej 6.23 miliardë dollarësh – nga 42 miliardë dollarë në vitin 2017, sipas Indeksit të Miliarderëve të Bloomberg.
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.