Çfarë do ndodhë me ata që Covid-19 i ka bllokuar në Itali?/ Ministria e Jashtme bën publik vendimin
Nisur nga shqetësimet e qytetarëve që kanë mbetur jashtë kufirit, për shkak të situatës së koronavirusit,Ministria për Evropën dhe Punët e Jashtme, ka bërë publik afatin e qëndrimit të shtetasve të huaj në territorin Italian, nëpërmjet një postimi në ‘’Facebook’’.
Postimi i plotë:
Për të gjitha pyetjet e drejtuara drejt Ministrisë për Evropën dhe Punët e Jashtme po ashtu dhe Përfaqësive të Republikës së Shqipërisë në botë, ju informojmë:
Ministria për Punët e Jashtme dhe Bashkëpunim Ndërkombëtar e Republikës së Italisë ka njoftuar mbi afatet e qëndrimit të shtetasve të huaj në territorin italian pas situatës së emergjencës të krijuar për shkak të COVID-19.
”Duke nisur nga data 2 mars 2020, është vendosur një pezullim 30 ditor i afateve për procedimet administrative lidhur me qëndrimin e këtyre shtetasve të huaj në territorin italian.
Pezullimi, në kuadër të një situate të forcës madhore, vlen si për procedurat e lidhura me lejet e qëndrimit (aplikim i parë ose rinovim), ashtu edhe për vizat. Për këtë arsye, nuk do u jepet masa e përjashtimit nga territori italian qytetarëve të huaj, të cilët do të gjendeshin në situatë parregullsie, të shkaktuar nga pezullimi i korridoreve të transportit të njerëzve me Republikën e Italisë.
Ministria për Evropën dhe Punët e Jashtme dhe Përfaqësitë tona Diplomatike do t’ju informojnë për çdo hap të ndërmarrë gjatë këtyre ditëve.
Bashkë, kundër këtij armiku , do t’ja dalim!”
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.