Çfarë do të ndodhë më pasuritë e paluajtshme nëse pandemia nuk përballohet shpejt?
Megjithëse tregjet janë rikuperuar nga goditja fillestare e koronavirusit në mars, disa pasuri të paluajtshme ende mund të tkurren në vlerë, nëse SHBA nuk arrin të përmbajë siç duhet pandeminë, tha Rezerva Federale të hënën.
Në një Raport dy vjeçar të Stabilitetit Financiar, banka qendrore nënvizoi rreziqet me të cilat përballet sistemi financiar i SHBA. Përgjigjet e politikave nga Fed dhe Kongresi ndihmuan në ringjalljen e orekseve të investitorëve dhe stabilizimin e funksionimit të tregut në kohën e raportit të mëparshëm në maj. Megjithatë, rastet e viruseve edhe një herë po rriten në nivele rekord, dhe ritmi i rimëkëmbjes ekonomike është ngadalësuar.
Nëse tendencat përkeqësohen, pasuritë e palujatshme mund të jenë në një nivel të pakët.
Kënde të ekonomisë janë më vurnerable nga një valë tjetër të virusit. Pasuritë e paluajtshme komerciale, shitja me pakicë, zyra dhe pronat e akomodimit tregojnë dobësitë më të mëdha ndaj një krize të zgjatur të shëndetit publik, shtoi banka qendrore. Normat e kapitalizimit, të cilat matin të ardhurat vjetore në krahasim me çmimet e pronave të blera kohët e fundit, mbeten afër niveleve historike, duke sugjeruar se “presione të larta vlerësimi mund të ekzistojnë ende”.
Nëse një vaksinë do të shpërndahet më vonë se pritet, “presioni në rënie mbi ekonominë e SHBA mund të prishë rimëkëmbjen e sapolindur dhe të tensionojë tregjet financiare dhe institucionet financiare”, tha banka qendrore.
D.B – SCAN
Burimi: Business Insider
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.