Çfarë është “Qeveria e Presidentit”për të cilën është mandatuar Mario Draghi? Për herë të parë, në vitin 1953
Projekti i një mandati të tretë ka dështuar për Giuseppe Conten. Tashmë është presidenti Segio Mattarella që ka vendosur në duart e Mario Draghit detyrën e formimit të qeverisë së re të Italisë. Ish shefi i Bankës Qendrore Europiane ka marrë detyrën e formimit të një qeverie teknike të nivelit të lartë.
Mbrëmjen e 2 shkurtit presidenti i Dhomës Roberto Fico ka njoftuar dështimin e konsultimeve për formimin e qeverisë politike të mbështetur nga forcat e mazhorancës. Në këto kushte, presidenti Mattarella u ka kërkuar partive që të vijojnë me krijimin e një qeverie teknike ose institucioneve “të një profili të lartë” të udhëhequr nga ish presidenti i BQE-së, Mario Draghi. Hipoteza në tavolinë është domethënë e ashtuquajtur ‘Qeveri e Presidentit”, që nënkupton një qeveri pa ngjyrime politike dhe që ka në fokus kapërcimin e emergjencës.
Rasti i parë i një ‘qeverie presidenti” në historinë e Republikës Italiane është në vitin 1953. E drejtoi Giuseppe Pella me një kohëzgjatje vetëm 155 ditore pasi koalicioni i qendrës i Alcide De Gasperi nuk arriti të marrë votëbesimin e popullit.
Në rastin e tanishëm, për presidentin e Republikës është e rëndësishëm që të evitohen zgjedhjet e parakoshme përballë situatës së paqendrueshme të shkaktuar nga pandemia kur procedurat e zgjedhjeve mund të rrezikojë moszbatimin e Planit të Rimëkëmbjes.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.