Çfarë është vlera në kohë e parasë?
Mendoni sikur dikush do t’ju dhurojë 50 mijë lekë për ditëlindje dhe ju jep variantin e të dhënit 50 mijë lekë sot apo 70 mijë lekë pas 3 viteve.
Sigurisht që vlera e 70 mijë lekëve është më e lartë por shumën e parë e merrni sot ndërkohë që të dytën e merrni pas tre vitesh.
Përgjigja e pyetjes së mësipërme varet nga vlera në kohë e parasë. Në përgjithësi, termi “vlera në kohë e parasë” ka të bëjë me faktin se 1 lek i zotëruar sot vlen më shumë se 1 lek i premtuar për t’u marrë në një kohë të ardhme.
Një nga arsyet më të rëndësishme pse ndodh kjo është se 1 lekshi sot mund të depozitohet dhe të fitojë interes duke u rritur më shumë se një lek në të ardhmen.
Lidhja mes parasë sot dhe parasë nesër varet nga norma e interesit që ju do të fitoni duke investuar paratë si dhe periudha e investimit.
Burimi: Materiali edukues “Financat në duart tuaja” nga Banka e Shqipërisë
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.