Çfarë kërkoi në Durrës komisioneri i BE-së për menaxhimin e krizave?!
Pas mbërritjes në vendin tonë në mëngjesin e sotëm, komisioneri i Europës për menaxhimin e krizave Janez Lenarčič ka vizituar së bashku me kryeministrin Edi Rama dhe ministrin fuqiplotë Bledi Çuçi, qytetin e Durrësi, për të parë më nga afër gjendjen pas tërmetit.
Më pas gjatë mbledhjes së zhvilluar në bashkinë Durrësit Lenarčič u shpreh se më me rëndësi është për momentin është pikërisht vlerësimi i nevojave pas kësaj fatkeqësie. “Jemi lidhur me Organizatën e Kombeve të Bashkuara me institucionet financiare dhe do të jetë një punë shumë e rëndësishme, pasi do të orientojë këto çështje te vlerësimi i nevojave. Gjërat po shkojnë sikur duhet por duhet të përfshihen edhe ndryshime në parandalimin. Unë do të shkoj të vizitoj sot disa nga zonat që janë prekur” tha ai.
Rama vendosi theksin tek krijimi në të ardhmen i një strukture të vetme në Ballkanin Perëndimor që të aktivizohej menjëherë sapo në një nga këto vende të pësonte një fatkeqësi natyrore, ashtu sikurse funksionojnë vendet e Bashkimit Europian. Vizita e radhës së Lenarčič është qyteti i Vorës në orën 12:30.
#TiNukDoJeshKurrëVetëm😢👐🏿🇦🇱Durrës, Zona e Plazhit – Me Komisionerin Europian, Janez Lenarčič, për të parë nga afër pika të goditura prej tërmetit🇦🇱🤝🇪🇺https://e-albania.al/dhuro/
Posted by Edi Rama on Thursday, December 5, 2019
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.