Çfarë ndodhi me vaksinën e Oksfordit? Si përfundoi nga “shpresa kryesore” në fundin e garës perëndimore
Në datën 5 Qershor, hulumtuesit në Universitetin e Oksfordit bënë në heshtje një ndryshim në provat klinike të fazës së fundit të vaksinës së Covid-19. Në një amendim konfidencial, ata bënë të ditur se po shtonin një grup të ri vullnetarësh. Këto ndrshyme u dukën si të vogla përballë provave në masë. Megjithatë, kjo fashehu një gabim që rezultoi më vonë me pasoja të mëdha. Shumë prej vullnetarëve në provat britanike u ishte dhënë padashje vetëm gjysmë doze e vaksinës. Vullnetarët e rinj do të merrinin tashmë dozën e korrigjuar dhe prova vazhdoi. Atëherë kishte shumë shpresë tek vaksina e Oksfordit, së bashku me firmën e barnave AstraZeneca.
Kryeministri Boris Johnson kishte dëshpërimisht nevojë për një histori suksesi, pasi dështoi të kontrollojë pandeminë në valën e parë. Qeveria kishte siguruar gjithashtu 100 milionë doza të injeksionit. Më 23 Nëntor, Oksfordi dhe AstraZeneca publikuan lajme pozitive. Ato lajmëruan se regjimi me gjysmë dozë, ndjekur nga një dozë e plotë, ishte 90% efektiv në parandalimin e Covid-19. Mirëpo, të dy dozat, arritën një normë të suksesit prej 62%. Hulumtuesit e Oksfordit thanë se nuk janë të sigurtë se pse regjimi me gjysmë dozë është më efektiv. Johnson falenderoi ekipin dhe e quajti vaksinën një punë të paqme. Oksfordi dhe Astrazeneca po shpresojnë tashmë për një miratim të shpejtë nga rregullatori britanik, por dyshimet mbi provat, nuk do të largohen. Disa ekspertë thonë se mospërputhja e dozave ngre pikëpyetje mbi rezultatin e provave.
Ata shqetësohen gjithashtu mbi një tjetër mangësi të studimit. Regjimi me gjysmë dozë nuk është testuar tek asnjë sipër 55 vjeç, që është grupi i konsideruar në rrezik të lartë. Nga ana tjetër, vaksina e Pfizer është testuar tek mijëra njerëz mbi 65 vjeç, me një efikasitet prej 94%.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.