Çfarë ndodhi në Shkodër? Rritje e ndjeshme e të prekurve me COVID në Shqipëri! 27 raste të reja. Ministria bën apelin e posaçëm

Në 24 orët e fundit Shqipëria ka njohur një rritje të mëtejshme të rasteve të konfirmuara më COVID-19.

Referuar deklaratës së zëvëndësministres së Shëndetësisë Mira Rakacolli, nga 112 testime që janë kryer në 24 orët e fundit, 27 raste kanë rezultuar pozitivë. Në këtë mënyrë, nga 2031 testime numri total i të konfirmuarve ka shkuar në 304 persona.

Në të dy spitalet COVID-19 janë shtruar 81 pacientë. 73 janë në spitalin infektiv, ku 7 janë në terapi intensive dhe 2 janë të intubuar. Ndërkohë, pjesa tjetër janë në spitalin Shefqet Ndroqi.

Por çfarë ka ndodhur realisht?

Sipas Ministrisë së Shëndetësisë, ka një rritje të ndjeshme të numrit të të prekurve në ndodhur në Shkodër ku janë zbuluar në dy rrethe familjare, mes tyre një fëmijë 13 vjeçar. Kjo, sipas zëvëndësministres, tregon mosrespektimin e distancimit social dhe masat e kontrollit.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.