Çfarë nuk shkon me të ashtuquajturat ‘Maldive Ruse’, trendit më të fundit në Instagram?
Ngjyra e blertë e këtij liqeni në Siberi, Rusi, ka tërhequr shumë turistë në për plazh apo dhe për surf. Por nëse hyjmë më në brendësi të tij kuptohet se nuk është realisht ashtu sikurse duket në sipërfaqe. Pavarësisht pamjes fillestare paradiziake, liqeni në Novosibirsk, i quajtur ndryshe Maldivet Siberiane, është në fakt një gropë mbetjesh industriale.
Pronari i kompanisë ‘Siberia Generating’, ja atribuon ngjyrën e ndritshme të ujit oksidit të kalciumit, substanca që gjenden në gëlqeren e pashuar e cila është e dëmshme për njerëzit, dhe ujit të cekët.
Një zëdhënëse i tha AFP se vendi “nuk është helmues“, por ka aciditet shumë të lartë dhe se “pjesa e poshtme e kësaj grope hiri është e ngjashme me argjilën, kështu që nëse bie në të, është e vështirë të dalësh jashtë”.
Media lokale raportoi se aksesi tani është limituar nga kompania. “Çdo vizitor i paautorizuar ndalohet të hyjë në zonë”, njoftoi ajo, prej frikës se do të ishte e vështirë të shpëtonte dikë që mund të binte aty.
Edhe më parë është paralajmëruar se kjo zonë është jashtë normave, madje dhe në hyrje të saj qëndron një tabelë që shkruan: “Territori është një zonë industriale, jo një rezervë natyrore ose park ujor”.
Megjithatë, kjo nuk ka ndalur personat e apasionuar me Instagramin të hyjnë aty për të publikuar fotografi me pamjet magjike të sipërfaqes së liqenit, të cilat gjenden më pas edhe në faqen e ” Novosibirsk Maldives “. (Euronews)
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.