Çfarë po ndodh me të vaksinuarit e parë? Agjencia Europiane konfirmon sigurinë e vaksinës. Pfizer: Mbrojtja, 12 ditë pas dozës I
Agjencia Europiane e Barnave EMA ka publikuar raportin e parë mbi sigurinë e vaksinës Pfizer që nga nisja e aplikimit të saj masiv. Sipas të dhënave të para të mbledhura, vaksina Pfizer-BioNtech konfirmohet se është e sigurtë në përdorim.
Sipas Agjencisë, nuk janë konfirmuar efekte anësore të ndryshme jashtë parashikimeve dhe nuk ka rezultuar asnjë problem sigurie në përdorimin e tyre te të moshuarit.
Ndërkohë vetë kompania Pfizer ka publikuar të dhëna të mëtejshme lidhur me rezultatet e fazës së tretë të vaksinës anti-Covid.
Sipas Pfizer-BionTech, është konfirmuar se efektet mbrojtëse të saj nisin 12 ditë pas dozës së parë por duhen dy doza vaksine për të siguruar mbrojtjen maksimale ndaj virusit, me një efikasitet vaksine 95 %.
Nuk ka të dhëna që dëshmojnë se mbrojtja që krijon doza e parë zgjat përtej 21 ditëve.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.