Çfarë po ndodh në brigjet e Anglisë?! Mijëra gaforre e aragosta të ngordhura. Shkaqet e masakrës, të panjohura

Mijëra krijesa detare pa jetë, gaforre e aragosta, po mbulojnë plazhet e Anglisë. Një skenar “apokaliptik”, shkruan ‘The Guardian’, duke njoftuar se kanë nisur hetimet për të kuptuar shkaqet e kësaj masakre që ka nisur në fillim të muajit tetor.

Vullnetarët kanë kaluar orë të tëra duke kërkuar për krijesa të gjalla ndërsa kanë shprehur shqetësimet e tyre për ekosistemin dhe industrinë e peshkimi lokal që ka njohur rënie me 95 % të kapjes së aragostave dhe gaforreve.

Agjencia britanike e ambientit ka mbledhur kampione uji dhe mbetje për t’i analizuar në laboratorë e për të gjetur shkakun e katastrofës për të parë nëse ndotja e ujit ka kontribuar në ngordhjen e kafshëve.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.