Çfarë veshën shqiptarët gjatë pandemisë? “Made in Greece” zëvendëson Turqinë, Italinë dhe Kinën
Shqiptarët janë veshur me shumë më pak rroba “Made in Turkey” në vitin 2020. Sipas të dhënave më të fundit të Institutit të Statistikave mbi tregtinë e Jashtme vjetore, në total, importi i tekstileve dhe këpucëve nga Turqia ka rënë me 1.8 miliardë lekë, krahasuar me periudhën janar – dhjetor 2019.
Instat tregon se vlera totale e këtij zëri të importuar nga Turqia ka qenë 18.1 miliardë lekë në 2019- ën, ndërsa në 2020, kjo vlerë ra në 16.3 miliardë lekë.
Në fakt, ajo çka vihet re është se në Shqipëri, në vitin pandemik, nuk kanë hyrë vetëm më pak tekstile dhe këpucë “Made in Turkey”, por edhe “Made in Italy”, apo “Made in China”.Konkretisht, shqiptarët kanë veshur 18% më pak rroba nga Italia, 14% më pak rroba nga Kina, e 10% më pak rroba nga Turqia.
Por, nga ana tjetër, ajo çka vihet re është se “trend” sado i vogël, për të importuar tekstile dhe këpucë nga Greqia, të cilat, referuar Instat, janë rritur me 1.4%, krahasuar me vitin 2019.
Jenida Vladi/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.