Cigaret elektronike ndryshojnë enët e gjakut pas vetëm një përdorimi, thotë studimi

Një studim i ri është i fundit për të treguar ndryshimet në funksionin kardiovaskular pas avullimit të lëngjeve të përdorura në cigaret elektronike, megjithëse në këtë rast, ato lëngje nuk përmbajnë as nikotinë.

Studimi i botuar në revistën Radiology, arriti në përfundimin se avulli ndikon përkohësisht në funksionimin e enëve të gjakut tek njerëzit e shëndetshëm.

Duke përdorur skanimet e MRI, studiuesit zbuluan ndryshime në rrjedhën e gjakut brenda arteries femorale në këmbë pas vetëm një përdorimi.

Studiuesit nuk mund të përcaktojnë ende se cili përbërës kimik mund të jetë përgjegjës për ndryshimet që vëzhguan.

“Pas disa minutash, gjithçka normalizohet. Dikush mund të thotë, punë e madhe, asgjë nuk ndodh”, tha autori i studimit Felix W. Wehrli, profesor i shkencës radiologjike dhe biofizikës në Shkollën e Mjekësisë Perelman të Universitetit të Pensilvania.

“Por nëse dikush e përdor rregullisht,” vazhdoi Wehrli, ekziston mundësia që me kalimin e kohës gjërat të mos kthehen në normalitet aq lehtë.

Studimi synon të matë ndikimin e cigareve elektronike në zemër, enët e gjakut, mushkëritë dhe trurin.

Shija e cigareve elektronike kishte efekte toksike, duke përfshirë mbijetesën më të dobët të qelizave dhe shenjat e rritjes së inflamacionit. Studimi zbulon se aromat e cigareve elektrike mund të dëmtojnë qelizat kardiovaskulare.

Dr. Robert Jackler një tjetër studiues tha se një numër i kimikateve të përdorura nga industria e aromave mund të jenë të sigurta kur thithen përmes zorrëve, por ne ende nuk e dimë ndikimin që ata mund të kenë në mushkëri gjatë një periudhe të gjatë kohore.

“Nuk ka dyshim në mendjen time që avulli është më i sigurt se pirja e duhanit konvencionale,” tha Jackler, “por kjo nuk do të thotë se është e sigurt.”

Nebi Xhomaqi / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.