Cila është pjesa e vlefshme e makinës që mund të vidhet në 60 sekonda?!
Nikki nga Londra i është vjedhur konvertuesit katalitik tre herë nga makina e saj. “Herën e dytë që ndodhi kishte 11 ose 12 automjete në vend që ishin në shënjestër brenda natës,” tha ajo pwr BBC.
Vjedhja e konvertuesve katalitikë nga makinat është rritur më shumë se 100% në MB në dy vitet e fundit dhe mbështetet nga rrjetet ndërkombëtare të kriminelëve. Hajdutët po vjedhin pjesën e shkarkimeve të automjeteve që pastrojnë emetimet, sepse ato janë bërë duke përdorur metale të vlefshme si platin, palladium dhe rodium.
Çmimi i konvertuesve zëvendësues varet nga makina, madhësia e pajisjes dhe sa prej metaleve të shtrenjta përdoren për t’i bërë ato. Ato mund të variojnë nga nën 200 deri në më shumë se 600 paund.
Pajisjet adaptohen në shumicën e makinave dhe ndryshojnë gazra, të tilla si monoksidi i karbonit, në emisione më pak të dëmshme. Por kohët e fundit çmimet e metaleve të përdorura për t’i bërë ato janë rritur – për shkak të kërkesës së fortë dhe furnizimit të kufizuar.
“Afrika e Jugut, e cila është një nga burimet kryesore të furnizimit, pa një numër bllokimesh këtë vit. Një përçarje mjaft e rëndë në një treg që ka qenë mjaft i ngushtë,” thotë John Meyer, një analist i minierave në bankën e investimeve SP Angel.
Krimi vazhdon të bëhet më i zakonshëm, për të zhgënjyer viktimat, sipas Edmund King, President i Shoqatës së Automjeteve. “Ata [shoferët] e urrejnë idenë se në errësirën e natës dikush po shkon poshtë makinës së tyre, duke prerë një pjesë të sistemit të tyre të shkarkimit dhe kjo mund t’u kushtojë atyre shumë para për ta riparuar atë.
Policia britanike kohët e fundit ndaloi një anije në Detin e Veriut, duke transportuar pjesët e vjedhura të shkarkimit në Afrikën Perëndimore – dhe nuk është një krim i kufizuar vetëm në Mbretërinë e Bashkuar.
Autoritetet në Shtetet e Bashkuara po hetojnë raportet e rritura të krimit. “Një gjë që ata [hajdutët] kërkojnë janë automjetet që përdorin më shumë metale të rrallë sesa të tjerët”, thotë Paul Eisenstein, botues i DetroitBureau.com. “Kamionetat janë një shembull i mirë. Për shkak se ato përdorin më shumë karburant, ata duhet të kenë më shumë elementë si platini në konvertuesit e tyre katalitikë.” (BBC)
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.