Cilat janë 7 truket e padukshme që rekrutuesit përdorin për t’ju vënë në provë gjatë një interviste pune!

Në botën e sotme, të shikosh përmes CV-së së një kandidati dhe të bësh një intervistë standarde me ta nuk është e mjaftueshme në kërkimin e një punonjësi të përsosur. Kjo është arsyeja pse punëdhënësit duhet të përdorin disa hile dhe shumica e tyre janë aq të thjeshta, sa që një aplikant mund të dështojë në një nga këto teste psikologjike duke mos e vënë re fare.

Ja cilat janë 7 truket e padukshme që punëdhënësit përdorin për t’ju vënë në provë:

1. Ju ofrohet një filxhan kafe për një arsye.

Kohët e fundit testi i “filxhanit të kafesë” është duke fituar popullaritet midis punëdhënësve. Në fillim të intervistës, shefi e merr kandidatin në kuzhinë duke i ofruar atij një filxhan kafe. Pas intervistës, punëdhënësi shikon me kujdes se çfarë do të bëjë kandidati me filxhanin, a do të pyesin se ku munden ta vendosin, a do ta lënë thjesht atë mbi tryezë, apo do ta lajnë vetë në kuzhinë. Vendimi më i mirë, në këtë rast, është të shkoni në kuzhinë pas intervistës dhe ta lani vetë atë.

2. Punëdhënësi me dashje ju lë që ta prisni.

Në realitet, testi i “filxhanit të kafesë” është një mashtrim i pafajshëm. Situata mund të jetë shumë më e vështirë nëse intervista është planifikuar për orën 9 të mëngjesit, por kur kandidati hyn në zyrë herët, punëdhënësi është akoma i zënë dhe punëkërkuesi duhet të presë 10 minuta. Dhe pastaj edhe 10 minuta të tjera. Dhe pastaj edhe 15 minuta të tjera. Ky mashtrim mund të tregojë se sa i qëndrueshëm emocionalisht është kandidati në situata stresuese dhe sa shumë duan ata ta marrin këtë pozicion pune.

3. Intervistuesi befas fillon të bërtasë.

Ngritja e zërit të tyre, ulëritja, dhe madje edhe përdorimi i fjalëve fyese është një mënyrë tjetër për të modeluar një situatë stresuese dhe një shans për të kontrolluar aftësinë e kandidatit për t’i rezistuar stresit. Ekspertët këshillojnë që të qëndroni të qetë dhe t’u përgjigjeni këtyre pyetjeve sa më qetësisht të jetë e mundur.

4. Intervistuesi bën një kërkesë të çuditshme dhe ju kërkon të hidhen nga dritarja.

Një surprizë tjetër e pakëndshme për një punëkërkues mund të fshihet pas një kërkese të jashtëzakonshme, për shembull të hidhesh nga dritarja. Në këtë rast, punëdhënësi dëshiron të shohë aftësinë e kandidatit për të menduar “jashtë kutisë”.

Ju mund të përdorni mënyrën e mëposhtme për të dalë nga kjo situatë: hipni në dritare, por hidhuni në dyshemenë e dhomës ku zhvillohet intervista. Askush nuk sqaroi se ku do të binit po të hidheshit. Ose mund ta tronditni shefin duke bërë kundër-pyetjen me një opsion fitues: “Si do të përfitojë ndërmarrja nga hedhja ime?”

5. Punëdhënësi befas fillon të sillet në një mënyrë të çuditshme.

Një tjetër mashtrim është kur intervistuesi fillon të sillet çuditshëm. Kandidati mund të injorohet nga intervistuesi, duke parë ekranin e kompjuterit të tyre ose duke iu përgjigjur një telefonate si dhe duke lënë zyrën në mes të intervistës. Ky mashtrim mund të tregojë se si kandidati do të përqendrojë vëmendjen e intervistuesit ose mënyrat se si ai do të mund të dali nga kjo situatë. Një nga opsionet më efektive është të pyesni intervistuesin që të ri-caktojë intervistën për një ditë tjetër.

6. Kandidati prezantohet me të gjithë ekipin.

Është e mundur që shefi t’i ofrojë kandidatit një shans për të komunikuar me kolegët e tij të mundshëm pas intervistës. Mund të jetë në zyrë ose pas punës. Ky nuk është një gjest i thjeshtë i sjellshëm, është mënyra e punëdhënësit për të zbuluar mendimet e punonjësve të tyre për kandidatin.

7. Shefi lëshon lapsin e tij mbi dysheme.

Një provë tjetër që mund të ndihmojë punëdhënësin të vërejë kandidatë të përgjegjshëm dhe dashamirës është të hedhë një stilolaps në tokë dhe të shikojë reagimin e aplikantit. Nëse kandidati instinktivisht përkulet dhe mbledh penën, ka të ngjarë që ata të punësohen për këtë punë. Nëse aplikanti lejon që intervistuesi ta bëjë atë, ka të ngjarë që ata nuk do ta marrin. (brightside)

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.