Cilat mjete lejohet të importohen në Shqipëri – DPSHTRR: Verifikoni nëse përmbushet kategoria mjedisore
DPSHTRR ka publikuar një njoftim ku informon qytetarët për të verifikuar mjetin përpara se të bëjnë importimin e tij
Nëse mjeti nuk përmbush kategorinë e duhur mjedisore, mjeti nuk do të lejohet të importohet në Shqipëri apo ta regjistrohet në DPSHTRR.
Cilat mjete lejohen të importohen/regjistrohen?
+EURO 5 e sipër:
-Autoveturat e reja me 0 km dhe që nuk janë regjistruar më parë për qarkullim në asnjë shtet tjetër;
-Mjetet motorike të tjera të reja si: Autobusë dhe Automjete për Transport të Përzier (ATP, ATV, APV) të kategorive M2 dhe N1, me 0 km dhe që nuk janë regjistruar më parë për qarkullim në asnjë shtet tjetër.=EURO 4 e sipër:
-Autoveturat e përdorura, të gjitha ato që nuk janë me 0 km dhe që janë regjistruar më parë për qarkullim në rrugë në një shtet tjetër.
=EURO 3 e sipër dhe me moshë jo më shumë se 15 vjet:
-Mjetet motorike të tjera të përdorura si: Autobusë dhe Automjete për Transport të Përzier (ATP, ATV, APV) të kategorive M2 dhe N1, të gjitha ato që nuk janë me 0 km dhe që janë regjistruar për qarkullim në rrugë në një shtet tjetër më parë, të cilat përmbushin normën EURO 3 dhe duhet të jenë prodhuar jo më shumë se 15 vjet para datës së regjistrimit të parë në Shqipëri!
“Me datë regjistrimi kuptojmë targimin në DPSHTRR! Verifikoni moshën e mjetit! Në datën e regjistrimit (targimit për qarkullim në Shqipëri) mjetet e kësaj kategorie duhet të jenë jo mbi 15 vjet nga data e prodhimit! Shembull: Afati i fundit për regjistrimin dhe targimin e mjeteve me vit prodhimi 2007, është 31 Dhjetori 2022,” njofton DPSHTRR.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.