Cilat vende në Evropë e kanë marrë variantin e ri të Covid? Është Shqipëria një ndër to?
Dyzet e pesë vende kanë identifikuar deri më tani variantin e koronavirusit në Mbretërinë e Bashkuar, me ekspertë që paralajmërojnë se më shumë vende mund të raportojnë rritje të mprehta të rasteve në javët e ardhshme.
Trembëdhjetë nga këto kombe kanë regjistruar transmetim komunitar të variantit B117, i cili përhapet më shpejt dhe ka ndihmuar që Anglia të shtyhet në një bllokim të tretë.
Varianti u identifikua për herë të parë në Kent në shtator. Është vlerësuar se virusi i ri është rreth 56% më i transmetueshëm sesa variantet e mëparshme.
Me avionë të aftë për të transportuar një total prej më shumë se 8 milion pasagjerë nga Mbretëria e Bashkuar midis tetorit dhe dhjetorit, dhe një mbikëqyrje e dobët që ka gjasa të ketë humbur rastet e variantit jashtë vendit, ekzistojnë shqetësime se virusi mund të jetë tashmë në shumë vende të3 tjera.
Ndërsa është e pamundur të dihet saktësisht se ku është varianti dhe si do të zhvillohen rastet në të ardhmen, pamjet e mëposhtme tregojnë vendndodhjen e tij dhe cilat vende vuajnë nga rritjet e Covid-19. Ndër këto shtete dallohet fqinjët tanë Italia dhe Greqia, por Shqipëria deri më tani, sikurse dhe rajoni i Ballkanit Perëndimor, ende nuk ka raportuar asnjë rast të infektuari me variantin e ri të Covid.
D.B – SCAN
Burimi: The Guardian
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.