Cilët janë kandidatët më të votuar në Shkodër nga PD, PS dhe LSI. Spahia nga PD, Sterkaj nga PS
Edhe në Shkodër nuk ka pasur surpriza për thyerjen e herësit nga kandidatët që janë renditur poshtë listës fituese. Partia Demokratike ka marrë 5 mandate, PS 3 mandate ndërsa LSI 1 mandat.
Tashmë është mbyllur procesi i numërimit të votave për kandidatët.
Më i votuar nga PD rezulton Bardh Spahia me 7 mijë e 219 vota i renditur në vendin e 7 në listën e kandidatëve. Pas tij vjen kryesuesi i listës Helidon Bushati me 6 mijë e 743 vota.
Nga Partia Socialiste rezulton se më i votuar është kandidati Paulin Sterkaj me 7 mijë e 335 vota, ndjekur nga Benet Beci me 6 mijë e 131 vota.
Nga LSI më i votuar rezulton kryesuesi i listës Agron Çela me 2 mijë e 656 vota.
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.