Cilët janë partnerët më të mirë tregtarë të Bashkimit Europian? / Ja 5 vendet që kryesojnë listën e import-eksportit
Vizualizimi interaktiv i të dhënave të Eurostat mbi tregtinë e mallrave në Bashkimin Europian (BE), Shtetet Anëtare dhe vendet e EFTA është azhurnuar me të dhënat e vitit 2020.
Sipas të dhënave të Eurostat gjatë vitit 2020, BE-ja importoi më shumë mallra nga Kina, 22% e importeve të mallrave dhe me një vlerë prej 383.4 miliard euro. SHBA renditet e dyta me 12% të importeve ose 202.6 miliardë euro. Më pas vijojnë Mbretëria e Bashkuar me 10% (167.3 miliardë euro), Zvicër me 6% ( 108,6 miliard euro) dhe Rusi me 6% (93.5 miliard euro). 44% të pjesës tjetër të importeve dhe me një vlerë prej 756.9 miliard euro e zënë vendet e tjera.
Për sa i përket eksportit Bashkimi Europian eksportoi më shumë në Shtetet e Bashkuara (18% të eksporteve të mallrave ose 352.9 miliard euro). Mbretëria e Bashkuar vijon e dyta me 14% ose 277.7 miliard euro. Më pas vijon Kina me 10% (202.6 miliard euro), Zvicra me 7% (142.4 miliard euro) dhe Rusia me 4 % (79 miliard euro). 47% të pjesës tjetër të eksportit dhe me një vlerë prej 877.2 miliard euro e zënë vende të tjera.
N.Xh / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.