Çmim lotarie prej 3 milionë dollarë në emailet ‘SPAM’ – 55 vjeçarja fiton shumën marramendëse me një klik!
Laura Spears nga Oakland County, Michigan, kohët e fundit zbuloi një çmim lotarie prej 3 milionë dollarësh në postën e saj elektronike pikërisht në dosjen e SPAM (emaile të bllokuara).
Fituesja me fat kishte blerë një biletë Mega Millions në faqen e Lotarisë së Miçiganit për shortin e 31 dhjetorit 2021. Ajo kishte pesë numra të saktë për të fituar 1 milion dollarë, plus një Megaplier ekstra që ta shumëfishonte çmimin e saj me tre herë.
“Pashë një reklamë në Facebook se jackpoti i Mega Millions po bëhej mjaft i lartë, kështu që hyra në llogarinë time dhe bleva një biletë”, u tha Spears, 55 vjeç, zyrtarëve të Lotarisë së Miçiganit. “Disa ditë më vonë, po kërkoja një email që mungonte nga dikush, kështu që kontrollova dosjen e SPAM-it në llogarinë time të emailit.”
“Aty ishte momenti kur pashë një email nga Lotaria që thoshte se kisha fituar një çmim. Nuk mund ta besoja atë që po lexoja, kështu që u futa në llogarinë time të Lotarisë për të konfirmuar mesazhin në email. Gjithçka është ende kaq tronditëse për mua, se kam fituar vërtet 3 milionë dollarë!”
Spears, e cila mori çmimin e saj në selinë e Lotarisë javën e kaluar, tha se planifikon të ndajë fitimet e saj me familjen dhe të dalë në pension herët.
Sigurisht, ajo gjithashtu do të kontrollojë më shpesh dosjen e saj të postës elektronike.
“Unë padyshim shtova Lotarinë e Miçiganit në listën time të dërguesve të sigurt vetëm në rast se kam ndonjëherë fatin të marr një email tjetër për një çmim të madh,” tha Spears. CNN
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.