“Çmime të ndryshme biletash për pasagjerë të ndryshëm” – A do të fillojnë linjat ajrore të përdorin këtë metodë së shpejti?
Është mëse e ditur që udhëtarët paguajnë çmime të ndryshme për vendet e tyre. Dikush që e ble biletën paraprakisht ka të ngjarë ta ketë blerë me një çmim shumë më të ulët se nja pasagjer që e ka blerë atë në momentin e fundit.
Por sipas një kompanie softuerike linjat ajrore së shpejti do të fillojnë ngarkimin e çmimeve të ndryshme në udhëtarë të ndryshëm, bazuar në atë se kush janë këta udhëtarë.
Kompania softuerike e menaxhimit të të ardhurave PROS, e cila punon me më shumë se 80 linja ajrore ndërkombëtare tha se linjat ajrore tashmë kanë filluar zbatimin e strukturave të “çmimeve dinamike” në faqet e tyre.
“2018 do të jetë një vit shumë fenomenal sa i përket tërheqjes,” tha për Travel Weekly John McBride, drejtor i menaxhimit të produkteve për PROS. “Duke u bazuar në projektet tona të mbetura, do të ketë një numër të madh transportuesish të mëdhenj që shkojnë drejt shkencës dinamike të çmimeve”.
Çmimet dinamike apo “rritja” është një strategji ekonomike në të cilën shërbimet e çmimet e kompanive bazohen nga kërkesa. Edhe Uber e ndjek këtë teknikë duke qenë se çmimi i një udhëtimi në kohë shiu apo pikun e trafikut është më i lartë.
Edhe pse linjat ajrore kanë disa kohë që e ndjekin këtë lloj teknike, si psh çmimet më të larta në periudhën e festive ata mund të fillojnë të përshtatin çmimet edhe për pasagjerë të veçantë.
Linjat ajrore do të jenë në gjendje të identifikojnë klientët me adresat e tyre IP si dhe të dhënat e po historinë e tyre të fluturimeve.
Sistemi i menaxhimit të të ardhurave do të krijonte një kriter të caktuar për persona, bazuar në kritere, si statusi i besnikërisë apo udhëtarët e biznesit / kohës së lirë.
Udhëtarët besnikë apo udhëtarët e kohës së lirë do të paguanin më pak, ndërsa ata që janë të gatshëm të paguajnë më shumë, si udhëtarët e biznesit me një kartë krediti biznesi, ka të ngjarë të shohin çmime më të larta.
Gjithsesi ka ende pak kohë përpara se kjo politikë të vihet në zbatim dhe të bëhen rregullimet e nevojshme.
V.H/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.