Çmimet e banesave do të rriten – Si do të ndryshojë tregu i pronave në funksion të rindërtimit

Ekspertët e pasurive të paluajtshme parashikojnë që çmimet e banesave gjatë vitit 2020 do të vijojnë të rriten dhe kryesisht për ato pallate të ndërtuara në 5 vitet e fundit. Ndërsa mendojnë se ky treg do të ketë zhvillime edhe në funksion të procesit të rindërtimit.

Në këtë këndvështrim, eksperti Lefter Sila parashikon një vit pozitiv dhe një rimëkëmbje të sektorit, pas shenjave që la fatkeqësia natyrore e 26 Nëntorit.

Tërmeti i 26 Nëntorit goditi tregun e banesave dhe të pasurive të paluajtshme, duke “ngrirë” për një kohë transaksionet për shkak të dëmeve të shkaktuara dhe frikës së qytetarëve,  ndërsa la të pastrehë mbi 17 mijë qytetarë.

Elisabeta Dosku / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.