Çmimet e naftës vijojnë rritjen – Pas embargos së BE ndaj Rusisë dhe përfundimit të bllokimit anticovid të Shangait

Çmimet e naftës u rritën të mërkurën pasi krerët e Bashkimit Europian ranë dakord për një ndalim të pjesshëm dhe me faza të naftës rus, ndërsa Kina i dha fund bllokimit të saj COVID-19 në Shangai.

Nafta e papërpunuar Brent e Londrës për dorëzimin e gushtit u rrit me 35 cent, në 115.95 dollarë për fuçi, ndërsa nafta e papërpunuar e Teksasit Perëndimor u rrit me 37 cent, në 115.04 dollarë për fuçi. Të dy kontratat mbyllën majin në nivele të larta, duke shënuar muajin e gjashtë radhazi të rritjes së çmimeve.

Udhëheqësit e BE ranë dakord në parim të hënën për të shkurtuar 90% të importeve të naftës nga Rusia deri në fund të këtij viti, sanksionet më të ashpra të bllokut ndaj Moskës që nga pushtimi i Ukrainës tre muaj më parë. Pasi të miratohen plotësisht, sanksionet ndaj naftës së papërpunuar do të vendosen në faza për më shumë se gjashtë muaj dhe për produktet e rafinuara gjatë tetë muajve. Embargo përjashton naftën e tubacionit nga Rusia si një koncesion për Hungarinë dhe Sllovakisë e Republikës Çeke pa dalje në det.

Në Kinë, bllokimi i rreptë i Shanghait për COVID-19 përfundoi të mërkurën pas dy muajsh, duke nxitur pritshmëri për kërkesë më të fortë për karburant. Ndërkohë, sipas disa burimeve, disa prodhues kanë hedhur idenë e pezullimit të pjesëmarrjes së Rusisë në një marrëveshje prodhimi të OPEC+, një grupim anëtarësh i Organizatës së Vendeve Eksportuese të Naftës dhe aleatëve të tyre, me pritshmëri që një lëvizje e tillë do të rriste furnizimin.

Sipas analistëve të tregut, rihapja e plotë e Shangait nga kufizimet e COVID-19 do të nxisë ndjeshëm kërkesën, por përjashtimi i mundshëm i Rusisë nga vendimmarrja e OPEC+ për marrëveshjen e prodhimit është lajmi i ditës.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.