Çmimet “përtokë” – Nafta prek nivelin më të ulët të 7 muajve
Tregjet e naftës vijojnë të qëndrojnë pranë nivelit më të ulët të 7 muajve të fundit, në një kohë që investitorët janë fokusuar tërësisht te rritja e ofertës globale dhe tkurrja e kërkesës.
Diçka e tillë po minon tërësisht përpjekjet e OPEC për të balancuar tregun nëpërmjet shkurtimit të prodhimit.
Në çelje të sesionit të sotëm, nafta Brent e Londrës kuotohej pranë nivelit të 46.93 dollarëve për fuçi, ndërsa ajo bruto amerikane 44.17 dollarëve për fuçi.
Gjatë së Hënës, të dy benchmarkët kryesorë u mbyllën me nivelin më të ulët që prej 29 Nëntorit të vitit të kaluar.
Ekspertët shprehen se shenjat për të ardhmen e tregut në terma afat-shkurtër dhe afat-mesëm nuk janë aspak premtuese.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.