Çmimet “shokuese” të produkteve ushqimore/ S&P: Fenomeni pritet të zgjasë deri në 2024-ën ose më shumë!

Çmimet shokuese të produkteve ushqimore, dhe për pasojë reduktimi i furnizimeve, për shkak të luftës ruse në Ukrainë do të zgjasë deri në vitin 2024. Ndoshta dhe më shumë. Lajmin e konfirmon agjencia globale e vlerësimit S&P në raportin e saj më të fundit me titull: Kriza globale ushqimore do të zgjasë me vite jo me muaj”

Sipas S&P, mungesa e fertilizuesve, kontrollet mbi eksportet, ndërprerjet e tregtisë globale dhe rritja e cmimit të karburanteve do të ushtrojnë presion për rritje të mëtejshme të cmimeve të produkteve ushqimore bazë. Në këtë analizë, vendet me të ardhura të ulëta dhe mesatare në Azinë qendrore, Lindjen e Mesme, Afrikë dhe Kaukaz mund të jenë më të goditurat nga impakti fillestar.

Vende si Kaukazi, Taxhikistan, Uzbekistan dhe Armeni duken të jenë vecanërisht të ekspozuara për shkak të varësisë pothuajse totale nga Rusia për këto produkte ushqimore vazë, në një moment që sanksionet do të komplikojnë tregtinë. Në të njëjtën mënyrë shtetet arabe si Maroku, Libani, Egjipti dhe Jordania që varen jo pak nga Ukraina për furnizimet ushqimore, janë të prekshme si pasojë e mbylljes së porteve për shkak të luftës.

Gjithashtu rritja shokuese e cmimeve të produkteve ushqimore do të ndikojë në rritjen e Prodhimit të brendshëm bruto, në performancën fiskale dhe në qëndrueshmërinë sociale dhe mund të shkaktojë veprime vlerësimi bazuar në reagimet e cdo vendi si dhe organizatave ndërkombëtare.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.