Çmimi i arit, në lëvizje minimale – Investitorët presin raportin e punësimit në SHBA më vonë gjatë Javës
Ari është tregtuar në rënie të lehtë në tregtinë e së Martës, ndërkohë që investitorët janë përmbajtur përpara publikimit të raportit të punësimit në SHBA më vonë gjatë javës, që pritet të ofrojë detaje mbi tregun e punës dhe vendimet e ardhshme të Rezervës Federale. Norma spot ra me 0.2% në 1,810.4 dollarë për onz.
Analistët thonë se publikimi i raportit të punësimit në SHBA, mund të drejtojë lëvizjen e ardhshme të madhe në treg, në varësi se si të dhënat ekonomike informojnë pjesëmarrësit e tregut mbi perspektivën e Rezervës Federale. Guvernatori i bankës, Christopher Waller tha në nisje të Javës se banka mund të nisë reduktimin e mbështetjes monetare nga Tetori, nëse 2 raportet e ardhshme të punësimit tregojnë një rritje me 800,000 deri në 1 milionë, si ç’pritet.
Për rrjedhojë, shkëlqimi i metalit të çmuar është limituar nga perspektiva e normalizmit të politikave monetare. Rritja e interesave e bën metalin e çmuar më pak tërheqës. Megjithatë, shqetësimet mbi përhapjen e variantit Delta të koronavirusit, kanë mbajtur aksionet europiane dhe aziatike nën presion, duke ofruar pak nxitje për aktive të sigurta si ari. Yieldet e ulëta në SHBA dhe dollari i dobët, kanë qenë gjithashtu mbështetës për metalin.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.