Çmimi Nobel për Paqe në vitin 2020 i jepet agjencisë së Kombeve të Bashkuara për ushqimin WFP
Agjencia e Kombeve të Bashkuara për ushqimin, Programi Botëror i Ushqimit (WFP), fitoi Çmimin Nobel për Paqe të Premten për përpjekjet e saj për të luftuar urinë dhe për të përmirësuar kushtet për paqen në zonat e prekura nga konflikti.
Organizata me qendër në Romë thotë se ndihmon rreth 97 milion njerëz në rreth 88 vende çdo vit dhe se një në nëntë njerëz në të gjithë botën ende nuk kanë mjaftueshëm për të ngrënë.
“Nevoja për solidaritet ndërkombëtar dhe bashkëpunim shumëpalësh është më e dukshme se kurrë,” tha Kryetarja Berit Reiss-Andersen e Komitetit Norvegjez të Nobelit në një konferencë shtypi.
Çmimi është me vlerë dhjetë milion kurora suedeze, ose rreth 1,1 milion dollarë dhe do të paraqitet në Oslo më 10 dhjetor. (Reuters)
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.