CNN: Refugjatët në Greqi nuk do zhvendosen nga kampi i mbingarkuar që po digjet – Gjermania dhe Franca vijnë në ndihmë
Nuk ka plane për të lëvizur më emigrantë nga Lesbos pasi zjarret shpërthyen në kampin e mbipopulluar të refugjatëve në ishull, tha qeveria greke të premten, duke shtuar se ajo “nuk do të shantazhohet” nga ata që nuk janë të kënaqur me rregullimet.
Zyrtarët zhvendosën 406 fëmijë të pashoqëruar në Greqinë kontinentale pasi një zjarr këtë javë shkatërroi një pjesë të madhe të Moria, e cila ishte shtëpia e rreth 13,000 refugjatëve – më shumë se gjashtë herë më shumë se kapaciteti i kampit.
Refugjatët nga kampi kanë mbetur të pastrehë dhe të uritur, me disa që flenë buzë rrugëve dhe pikave të karburantit ndërsa dhjetëra familje u strehuan në një varrezë aty pranë.
Autoritetet greke thanë që seria e zjarreve u ndez me qëllim pasi rregullat e karantinës qe iu vendosën banorëve që kishin rezultuar pozitivë për koronavirus në kampin më të madh të refugjatëve në Evropë i kishin acaruar ata.
Kancelarja gjermane Angela Merkel konfirmoi mbrëmë një plan nga Franca dhe Gjermania për të marrë të mitur nga ishulli, duke shpresuar se vendet e tjera të BE do të bashkohen.
D.B – SCAN
Burimi: CNN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.