Itali/ Conte ‘dorëzohet’, kufizime drastike deri më 3 prill: “Qëndrojnë hapur vetëm sektorët jetikë, ngadalësohet prodhimi”
Kryeministri Conte ka njoftuar se qeveria italiane do të përforcojë masat e marra për të luftuar koronavirusin duke e zgjatur afatin e kufizimeve nga data 23 marsi deri në 3 prill:
“Kjo është kriza më e rëndë që po përballon Italia, që pas Luftës së Dytë Botërore” – u shpreh ai.
Sipas shefit të qeverisë italiane shërbimet kryesore jetike nuk do të preken, si farmacitë, ushqimoret, dyqanet e duhani, transporti i mallrave dhe mediat.
Gjithashtu shërbimet postare, financiare dhe siguruese do të sigurohen që të jenë në përdorim u shpreh ai.
Por, nga krahu tjetër Conte e bëri të qartë se do të kufizohen të gjitha aktivitetet jo –jetike. Pastaj ai rekomandoi: “Unë i ftoj të gjithë të qëndrojnë të qetë, jo të krijojnë grumbullime njerëzish. Ne do të ngadalësojmë motorin prodhues të vendit por nuk e ndalojmë atë. Shteti është këtu për të gjithë. Asnjëherë më parë komuniteti ynë nuk është forcuar si një zinxhir për të mbrojtur pasurinë më të rëndësishme, jetën. Nëse vetëm një lidhje në këtë zinxhir do të shkëputet , ne do të ishim të ekspozuar ndaj rreziqeve më të mëdha, për të gjithë. Të bashkuar do t’ja dalim” – e ka mbyllur kryeministri Conte me mesazhin e tij të shpresës.
Para fjalimit, Conte kishte takuar forcat shoqërore (sindikatat dhe bizneset e vogla duke kërkuar ndalimin e të gjitha aktiviteteve industriale jo strategjike, më të prekura nga kjo ishte Confindustria). Pastaj kreu i qeverisë bëri një takim me kokat e delegacioneve qeveritare nga partitë. Pastaj nxitimthi ka njoftuar masat e reja për kombin.
Por ishin mbi të gjitha zgjedhjet e rajoneve që e bënë kryeministrin të ndërmerrte këto masa drastike. Disa orë para fjalimit të Contes, guvernatorët e Lombardisë dhe Piemonte kishin nënshkruar urdhra për kufizim të plotë të aktiviteteve. Në rastin e Lombardisë zyrat e mbyllura publike, zyrat profesionale, vendet e ndërtimit, aktivitetet në natyrë. Presidenti i Piemonte, Cirio, tha: “Ne mbyllim gjithçka që mund të mbyllet me fuqitë e rajoneve”. Përfundimisht Conte u dorëzua. Tek drama e të dhënave dhe presioneve të territoreve.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.