COVAX do të shtojë blerjet e vaksinës kineze / Rreth 550 milion doza të Sinovac dhe Sinopharm deri në tremujorin e dytë 2022
Programi COVAX planifikon të blejë rreth 550 milionë doza të vaksinës kineze të Covid-19 deri në gjysmën e parë të vitit 2022, sipas aleancës GAVI, që ka nënshkruar marrëveshje të blerjes në nisje të Javës me 2 kompani kineze të farmaceutikës . Sipas detjaeve, prodhuesit kinezë të barnave, Sinopharm dhe Sinovac, do të ofrojnë 100 milionë doza të Covid-19 deri në fund të Tetorit tek pjesëmarrësit e COVAX, që është njësia e shpërndarjes ndërkombëtare të vaksinës e bashkëdrejtuar nga Organizata Botërore e Shëndetësisë , GAVI dhe partnerë të tjerë.
Marrëveshja e blerjes, që vjen në një kohë kur varianti Delta po përbën rrezik, do të zbusë mungesën aktuale të vaksinave në vendet në zhvillim dhe do të promovojë barazi dha akses në shpërndarjen e injeksioneve. Sipas Gavi, 60 milionë doza të Sinpharm do të disponohen nga Korriku në Tetor dhe 50 milionë doza të Sinovac, do të disponohen nga Korriku në Shtator. Përveç kësaj, aleanca ka opsionin për të blerë një total prej 170 milionë dozash të Sinpharm dhe deri në 380 milionë doza të Sinovac në tremujorin e katërt 2021 dhe në gjysmën e parë 2022. Ekzekutivi i Gavi, Seth Berkley, tha se ka mirëpritur marrëveshjen dhe se aleanca do të shtojë vaksinat tek portofoli i Covax, që përmban deri më tani 11 injeksione, përfshirë Sinpoharm dhe Sinovac, që u miratuan më herët gjatë vitit nga OBSH për përdorim emergjent.
Klevis Llaha – SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.