COVID-19 në Bullgari/ Dhjetra mjekë japin dorëheqjen: Nuk kemi mjete dhe pajisje të mjaftueshme
Dhjetra mjekë dhe infermierë kanë dhënë dorëheqjen e tyre në dy spitale në kryeqytetin e Bullgarisë Sofje, pasi u informuan se do të duhet të trajtojnë pacientët me COVID-19.
Punëtorët e mjekësisë thanë se nuk ishin furnizuar me pajisje mbrojtëse dhe pajisje për të siguruar kujdesin e duhur, vetëm disa ditë pasi parlamenti bullgar vendosi një gjendje të jashtëzakonshme në vend.
Dr Kameliya Bachovska nga Spitali i Dytë i Qytetit në Sofje i tha Al Jazeera që ajo së bashku me 84 kolegë të tjerë dhanë dorëheqje pasi u informuan se spitali i tyre do të shndërrohej për të marrë pacientë me COVID-19. “Spitali nuk ka pajisje të mjaftueshme mbrojtëse, dhe nuk është vetëm spitali ynë që nuk ka. Pjesa tjetër gjithashtu nuk ka. Domethënë, pothuajse çdo mjek në Bullgari është në rrezik të sëmuret për shkak të kësaj, veçanërisht në mesin e mjekëvë më të vjetër, që janë në kategorinë e rrezikut të lartë, “tha ajo.
Dr Bachovska sqaroi se spitali nuk ka aftësitë dhe pajisjet e nevojshme sanitare për të trajtuar një sëmundje infektive. Ajo gjithashtu tha se shumica e mjekëve dhe infermierëve në institucionin shëndetësor janë afër moshës së daljes në pension ose tashmë punojnë gjatë daljes në pension, dhe kanë frikë të trajtojnë pacientët pa u mbrojtur siç duhet.
Javën e kaluar, të paktën gjashtë anëtarë të stafit mjekësor në Spitalin St Sophia në kryeqytet gjithashtu dhanë dorëheqjet e tyre, duke shprehur shqetësime të ngjashme.
Sipas doktor Andrei Kotsev, anëtar i sindikatës së pavarur Zashtita, i cili ishte në kontakt me stafin, përveç asnjë veshje mbrojtëse atyre gjithashtu nuk u ishte dhënë udhëzimi i duhur për procedurat për të siguruar izolimin dhe sigurinë e pacientëve të tjerë. “Ata morën vetëm një kuti dorezash mbrojtëse pasi i sollëm mediat në spital,” i tha ai Al Jazeera.
Dr Angel Kunchev, kryeinspektori në Ministrinë e Shëndetësisë, tha që të gjitha spitalet e udhëzuara për të trajtuar pacientët COVID19 janë pajisur me furnizimet e kërkuara. Në një intervistë telefonike, ai kundërshtoi kritikat se autoritetet kanë marrë masa kundër përhapjes së virusit shumë vonë, dhe tha se ai nuk di për spitalet e tjera ku stafi po jep dorëheqjen.
Bullgaria, ashtu si vendet e tjera në uvropën Lindore, ka vuajtur nga një ikje masive e mjekëve, e cila ka zvogëluar numrin e personelit mjekësor në vend dhe ka detyruar spitalet të punësojnë punëtorë mjekësorë në pension. Sipas Stojan Borisov, kreu i sindikatës bullgare të mjekëve, midis 250 dhe 300 mjekë largohen nga vendi për të punuar jashtë vendit çdo vit. Dr Kunchev, nga ministria e shëndetësisë, konfirmoi se vendi po përjeton një mungesë serioze të mjekëve dhe infermierëve.
Në fillim të kësaj jave, parlamentarët propozuan një paketë të veçantë masash për të përballuar situatën e urgjencës në vend, përfshirë gjobat monetare për mjekët që refuzojnë të trajtojnë pacientët. Paketa do të ndryshohet dhe votohet në ditët në vijim. (MSN)
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.