COVID-19 në SHBA/ Trump kërkon që bizneset amerikane të vazhdojnë të qëndrojnë të hapura
Për më shumë se një javë, zyrtarët e administratës Trump dhe drejtuesit e shtetit po flasin për nevojën për të “përkulur kurbën” e shpërthimit të koronavirusit, duke kufizuar përhapjen e sëmundjes për të parandaluar mbingarkimin e sistemit amerikan të kujdesit shëndetësor. Megjithatë, numri zbritës ekonomik po bëhet gjithnjë e më i dukshëm.
Javën e kaluar Sekretari i Thesarit Steve Mnuchin parashikoi që papunësia në SHBA mund të arrinte në 20%. Të enjten Departamenti i Thesarit do të publikojë pretendimet e reja të papunësisë të javës së kaluar, dhe numrat me siguri do të jenë në miliona. Një raport i Goldman Sachs vlerësoi se prodhimi i brendshëm bruto i vendit në tremujorin e dytë mund të tkurret me 24%, duke zvogëluar rekordin e mëparshëm të 10% më 1958.
Por në konferencën për shtyp mbi Koronavirusin, të Shtëpisë së Bardhë, presidenti tha: “Amerika përsëri dhe së shpejti do të jetë e hapur për biznes”. Në orët e vona të natës së së Dielës, Trump publikoi shqetësimet e tij në një mesazh në twitter: “NUK MUND TË LEJOJMË QË KURA TË JETË MË E KEQE SE VETË PROBLEMI,” duke shtuar se, “NË FUND TË PERIUDHËS SË 15 DITËVE, NE DO TË MARRIM NJË VENDIM SE NË CILIN DREJTIM DO TË VAZHDOJMË!”
Periudha 15-ditore që presidenti iu referua filloi më 16 mars, kur Shtëpia e Bardhë njoftoi udhëzime për Qendrat e reja për Kontrollin e Sëmundjeve, duke inkurajuar të gjithë Amerikanët të punojnë nga shtëpia kur është e mundur dhe të kufizojnë tubimet e më shumë se 10 personave.
Siç ndodh shpesh, tweet-i i presidentit mund të jetë nxitur duke parë një segment në Fox News. Të Dielën në mbrëmje, spikeri (dhe ish këshilltari i kryeministrit të atëhershëm britanik David Cameron) Steve Hilton paralajmëroi që një kolaps ekonomik do të rezultonte gjithashtu me viktima të evitueshme dhe vështirësi të tjera, dhe që “kura” mund të jetë më e keqe se “sëmundja”.
“Klasa jonë në pushtet dhe fjalët e tyre televizive që heq frikën ndaj këtij virusi, ato mund të përballojnë një mbyllje të pacaktuar,” tha Hilton. “Amerikanët që punojnë nuk munden. Ata do të shtypen prej saj.” Besniku i Trump mund të jetë duke marrë shkas nga ajo që u diksutua disa javë më parë, se virusi po përdoret nga armiqtë politikë të presidentit për të dëmtuar pozicionin e tij politik duke dëmtuar ekonominë.
Të hënën në mëngjes presidenti vazhdoi në këtë temë, me një mori mesazhesh në tëitter ku nxiste amerikanët që të lejoheshin të ktheheshin në punë pasi të mbaronte periudha 15-ditore. (BBC)
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.