Covid-19 tek linjat ajrore. Ryanair regjistron humbjen e parë gjatë verës në 30 vite

Gjiganti i fluturimeve low-cost, Ryanair, ka regjistruar një humbje për periudhën kryesore të Verës, për të parën herë në 30 vite, ndërkohë që kufizimet e koronavirusit kanë goditur kërkesën.   Megjithatë, bilanci më i fortë se ç’pritej ka përmirësuar besimin e investitorëve, ndërkohë që linja ajrore irlandeze  shmangu një rënie të fortë në çmimin e aksioneve, gjë që ndodhi tek rivaët britanik përpara lajmërimit të karantinës së dytë.

Aksinet e Ryanair,  linjës më të madhe loë-cost në Europë, ranë me 1%, ndërkohë që EasyJet dhe British Airëays patën rënie me mbi 5%, prej lajmërimit të karantinës në fundjavë.   Masat e Covid-19 kanë shkurtuar numrin e pasagjerëve të Ryanair me 80% në tremujorin e dytë dhe të tretë, që është periudha ku kompania bën pjeën më të madhe të xhiros, gjë që solli një humbje prej 197 milionë euro.  Kjo ishte humbja e parë në sezonin e Verës që prej vitit 1990.

Në të njejtën periudhë një vit më parë, kompania regjistroi një fitim prej 1.15 miliardë euro.  Megjithatë, humbja e kësaj vere ishte shumë më pak se 244 milionë euro e projektuar nga kompania.  Kreu ekzekutiv Michael O’Leary tha se humbja mund të jetë akoma më e madhe në gjysmën tjetër të vitit financiar.  Kjo do të sillte humbjen e parë vjetore të kompanisë, që prej 2009-s.

Klevis Llaha / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.