Covid i gjatë, shkak i mungesave në punë – Mbi 25% e punëdhënësve britanikë e cilësojnë si arsyen kryesore
Thuajse 25% e punëdhënësve britanikë kanë përmendur pasojat afat-gjata të Covid për mungesat e punonjësve, sipas një sondazhi këtë javë, që shton se ka ngritur pikëpyetje se si po mbështeten punëtorët me këtë gjendje në vendet e punës. Kryeministri britanik, Boris Johnson, po drejton një strategji për vendin që të jetojë me Covid, duke hequr masat e kufizimeve, ndërkohë që dozat nxitëse dhe rënia e ashpërsisë së Omicron kanë dobësuar lidhjen mes rasteve dhe vdekjeve.
Megjithatë, britania ka regjistruar një mesatare prej rreth 80,000 rastesh çdo ditë dhe rastet e lehta me Covid mund të shkaktojnë pasoja afat-gjata të sëmundjes dhe simptoma si lodhje, probleme me kujtesën dhe të ashtuquajturën “mjegull” të trurit. Instituti i Stafit dhe Zhvillimit (CIPD) zbuloi se 26% e punëdhënësve kanë përfshirë tashmë Covid-in e gjatë si shkakun kryesor të mungesave si pasojë e sëmundjes afat-gjatë, në një sondazh prej 804 organizatash që përfaqësojnë mbi 4.3 milionë punëtorë. Institucioni deklaroi se 46% e organizatave kishin punonjës që kanë përjetuar Covid të gjatë dhe se punëdhënësit duhet të bëjnë më shumë për të mbështetur stafin me këtë gjendje.
Rachel Suff, këshilltare e lartë e politikave për marrëdhëniet me punësimin tek institucioni, tha se Covidi i gjatë qëndron një çështje e madhe që punëdhënësit duhet të jenë në dijeni dhe duhet të marrin hapat e duhur për të mbështetur stafin me këtë gjendje. Britania ka raportuar thuajse 18 milionë raste në total me Covid dhe sipas zyrës së Statistikave, vlerësohet se në nisje të vitit 2022, 1.3 milionë njerëz po jetonin me simptoma të vetë-raportuara të Covidit të gjatë.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.