“Covid, mund të reduktohet në endemi” – Fauci: Mund të kontrollohet në nisje të vitit 2022, nëse shtohen dozat nxitëse
Eksperti i lartë i sëmundjeve infektive në Shtetet e Bashkuara, Anthony Fauci, tha se është e mundur që Covid-19 të reduktohet në një sëmundje endemike, si gripi, nga kriza e madhe shëndetësore në vitin e ardhshëm, nëse vendi përshpejton normat e vaksinimit. Dozat nxitëse të vaksinave të Covid-19 janë të rëndësishme për të arritur atë pikë, sipas Fauci, që foli në një intervistë me Reuters.
“Për mua, endemike nënkupton që më shumë njerëz vaksinohen, marrin dozat nxitëse dhe pavarësisht se nuk zhduket sëmundja, ajo nuk mbizotëron jetët tuaja” u shpreh Fauci
Për të arritur në një fazë ku sëmundja bëhet endemike, Fauci tha se shumë më shumë njerëz duhet të vaksinohen dhe të marrin doza nxitëse. Nëse Shtetet e Bashkuara i bëjnë këto doza të disponueshme për të gjithë, është e mundur që vendi të mund të kontrollojë virusin deri në Pranverë të vitit 2022, sipas tij.
“Të dhënat janë përballë syve tanë, shihni se çfarë po ndodh me Izraelin, shihni se çfarë po bëjnë vendet e tjera mbi përshtatjen e dozave nxitëse, virutalisht për të gjithë. Unë mendoj që nëse e bëjmë këtë dhe e bëjmë sa më shpejtë, deri nga Pranëvera, do kemi një kontroll të mirë të situatës”, shtoi ai
Ndërsa pyetej nëse edhe imuniteti ndaj dozave nxitëse do të zbehet me kalimin e kohës, Fauci tha se asnjë nivel antitrupash nuk do të qëndrojë i lartë, por me dozat nxitëse, ka një shans të mirë që të shtohet fuqia e qelizave B të memories dhe qelizave T, në mënyrë që të zgjasin akoma më shumë.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.