COVID/ Problemi i vaksinave të falsifikuara ‘sidomos në Botën e Tretë’ – Deri në çfarë mase duhet të shqetësohemi?!
Jo vetëm maska dhe veshje mjekësore: tani edhe vaksinat janë në sytë e falsifikatorëve, të cilët përpiqen të rishesin dozat e falsifikuara duke i bërë ato të kalojnë si legale dhe të rregullta. Por a ekziston vërtet një “treg i zi” për vaksinat? Në vendet e zhvilluara është më e ndërlikuar, pasi, siç shpjegon GAVI (Aleanca Globale për Imunizimin e Vaksinave), “vetëm qeveritë dhe agjencitë multilaterale kanë qasje në numrin e kufizuar të ofruesve të kontrolluar, dhe kjo do të thotë se është shumë e vështirë për pasur akses për të vjedhur”. Por në Botën e Tretë mungojnë disa sisteme kontrolli për të ndihmuar në monitorimin dhe gjurmimin e dozave, dhe rreziku i zhvillimit të një tregu të paligjshëm për vaksinat antiCovid është afër dhe duhet të shmanget sa më shpejt të jetë e mundur.
Problemi i vaksinave të falsifikuara është një problem që duhet adresuar para se të bëhet më serioz dhe të minojë besimin (tashmë të pasigurt) të qytetarëve. Në raportet e Interpolit, më shumë se 80 persona janë arrestuar në Kinë dhe Afrikën e Jugut dhe më shumë se 5000 doza të vaksinave të falsifikuara janë konfiskuar. Italia gjithashtu bëri pjesën e saj: policia kombëtare zbuloi dhjetë kanale Telegram të lidhura me llogari anonime aktive në faqen e errët të internetit, të cilat, përveç dozave të falsifikuara të vaksinave, rishisnin gjithashtu certifikata udhëtimi të rreme, duke kërkuar pagesa në kriptomonedhë. Çmimet e vaksinave shkonin nga 100 në 150 euro dhe kanalet kishin rreth 250,000 përdorues të regjistruar dhe rreth 100 kërkesa për blerje, disa edhe nga jashtë BE -së.
“Përderisa vaksinat shpërndahen përmes një rrjeti të rregulluar dhe ligjor, rreziku i ndërhyrjes së dozave të falsifikuara është shumë i ulët dhe qytetarët mund të jenë të sigurt”, thotë OBSH. Që nga fillimi i pandemisë, GSC (Komiteti Drejtues Global për Sigurimin e Cilësisë së Produkteve Shëndetësore) është marrë me mbrojtjen e zinxhirit të furnizimit të produkteve të kujdesit shëndetësor, duke krijuar një organ këshillimor për të monitoruar dhe gjurmuar vaksinat në rrugën e tyre nga prodhuesi tek konsumatori.
Standardet e tjera globale, të tilla si barkodi GS1, formojnë bazën për kryerjen e kontrolleve të cilësisë dhe parandalimin e falsifikimeve, por ende nuk janë të përhapura në vendet e Botës së Tretë, ku rreziku i rishitjes ilegale në tregun e zi është më i madh, dhe ku nevojitet një kontroll edhe më i rreptë. Sipas Bankës Botërore, një zgjidhje mund të jetë krijimi i një baze të dhënash që përmban informacion mbi vaksinat origjinale, e cila i lejon vendet të verifikojnë vërtetësinë e një vaksine para përdorimit të saj. (Focus)
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.