COVID ‘prodhon’ edhe “taksën e milionerëve” në Argjentinë! Do ta paguajnë rreth 12 mijë persona
Argjentina ka miratuar një taksë të re për të pasurit në mënyrë që të sigurojë të ardhurat për pajisje mjekësore përgjatë pandemisë.
Nisma ligjore e miratuar është emërtuar “taksa e milionerëve”.
Kjo taksë prek ata që kanë asete që vlejnë më shumë se 2.5 milionë dollarë. Në total, janërreth 12 mijë persona që do të duhet të paguajnë. Argjentina është një prej vendeve me të goditura në botë nga koronavirusi.
Masat parandaluese kanë goditur dhe më shumë ekonominë që edhe përpara përballej me vështirësi të mëdha dhe papunësi, varfëri në nivele të larta dhe një borxh qeveritar masiv. Vendi është në recession që prej vitit 2018.
Një nga hartuesit e ligjit ka deklaruar se kjo taksë do të prekë vetëm 0.8 % të taksapaguesve. Qeveria shpreson se nga kjo taksë do të arkëtojë 300 miliardë pesos.
Por opozita ka frikë se kjo masë do të dekurajojë investimet e huaja në vend dhe se kjo nuk do të jetë një taksë që do të paguhet vetëm një herë por do të kthehet në një taksë të përhershme.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.